Merkurdie, ye la 11ma di januaro 2012.
Dio di santa Paulinus.
DIO-PROVERBO / En mikra flakono trovesas la maxim bona konfitajo.
ZODIAKO / En la zodiako-signo dil Kaprikorno guvernata dal planeto Saturno.
VETERO / Griza cielo matine diveninta sunoza dum la posdimezo, cajorne, en Francilia.
KONCIZE
INDONEZIA / NOVA KAZO MORTIGERA DI UCEL-GRIPO
Viro evanta 23 yari mortis pro ucel-gripo en Indonezia, lando qua esas maxim severe frapita per la viruso H5N1, anuncis hiere la ministrerio por la saneso, tale rivekigante la timi di riaparo dil dicita epidemio dek dii pos l'anunco di mortigera kazo en Chinia. Parolesas pri la unesma kazo mortigera depos tri monati en Indonezia.
NIGERIA / VIOLENTAJI KONTRE MOHAMEDANI
Kin personi mortigesis e plu kam 10.000 altra personi ekpulsesis lor violentaji vizanta Mohamedani depos lundio pasinta en la urbo Benin City, sud-Nigeria. Hiere, plusa moskeo parte incendiesis, segun responsivo dil Reda-Kruco lokala, same kam skolo islamal adjacanta ad altra mosko ed anke autobuso. Ita violentaji eventas sur fundo de manifesti kun striko generala qua plagesas ad ica tota lando.
SUD-SUDAN / ANTONIO GUTERRES ADVOKAS A "SOLIDARESO AMASAL"
Sud-Sudan bezonas "solidareso amasal dil komunajo internaciona" estimis la supera-komisario a la refujinti di UN/ONU, Antonio Guterres, depos la chefurbo di ca yuna Stato, Juba. La violentaji ligita ad konflikti interetna ed a revolto persistanta efektigis cirkume 300.000 diplasita personi en ita lando, olqua mustas anke jerar la retroveno da centi de mili de Sud-Sudanani departinta a la Nordo dum la longatempe duranta intercivitana milito.
Antonio Gutteres
Kordiala interretala saluti ad omni. JM :::-:::
Offline 
Send Email